இலங்கை பகுத்தறிவியல் கழகம் Association of Rationalist Studies Sri Lanka: ஜே.கிருஷ்ணமூர்த்தியின் தமிழ் பேச்சு ! இதுவே அவரது இறுதி தமிழ் பேச்சு

Thursday, April 24, 2014

ஜே.கிருஷ்ணமூர்த்தியின் தமிழ் பேச்சு ! இதுவே அவரது இறுதி தமிழ் பேச்சு

No comments:

கடவுளை விட உடலே சிறந்தது ! எல்லா வாய்ப்புக்களையும் தந்திருப்பது எது ?

வாழ்க்கைக்குள் இருந்து கொண்டே வாழ்கையை திட்டிதீர்ப்பதை என்னெவென்று சொல்வது?வாழ்க்கை ஒரு பாபகரமானது அது ஒரு அசிங்கம் அது மிகவும் கேவலமானது போன்ற படு மோசமான அபிப்பிராயங்கள் மனிதர்களின் மனதிற்குள் விதைப்பது யார் ? ஏதாவது ஒரு நல்ல நோக்கத்திற்காக எமது வாழ்வை நாமே அழித்து கொள்வது ஒரு ஒப்பற்ற தியாகம் என்று இல்லாத ஊருக்கு போகும் வழியை காட்டுவது யார்? ஒரு நியாயமான நோக்கத்திற்காக பிறரின் வாழ்வை அழிப்பது கூட மிகவும் உன்னதமான செயல் என்று இந்த மனித சமுதாயத்தை நம்ப வைப்பது யார்? எமது வாழ்வை எமக்கு தரும் எமது உடல் ஒரு பெறுமதி அற்ற பொருள் என்றும் அதை நல்ல ஒரு காரியத்திற்காக நாசப்படுத்துவது தியாகம் என்றும் படு மோசமான மார்க்கத்தை போதிப்பது யார்? எமது உடலை நாம் விரும்பக்கூடாது ! அதனுள் உறைந்து இருக்கும் அல்லது மறைந்து இருக்கும் பொருளே உயர்ந்தது எனவே நமது உடலை கூடுமானவரை அழகு படுத்தி ரசிப்பது வெறும் மாயை அது ஒரு பொருட்டே அல்ல என்பது போன்ற துர்போதனைகளை உபதேசிப்பவர்கள் யார்? இன்னும் இது போன்ற உடலை தாழ்த்தி வேறு ஏதோ ஏதோ விஷயங்களை எல்லாம் உன்னதப்படுத்தி தனிமனிதர்களை கேவலப்படுத்துவது போன்ற கருத்துக்கள் அல்லது கோட்பாடுகள் பரப்படுவது ஆயிரக்கணக்கான ஆண்டுகளாக இடம்பெற்று வரும் ஒரு வரலாற்று மோசடியாகும். இரண்டு விதமான கிரிமினல்கள் இதில் கூட்டு சேர்ந்துள்ளார்கள் ,ஒருவர் சமயவாதி மற்றவர் அரசியல்வாதி ,சமயத்தை தூக்கி பிடித்து தங்கள் வருமானத்தை அல்லது அதிகாரத்தை நிலை நிறுத்தும் சமய வாதிகள் முதலில் கைவைப்பது மனிதர்களின் தன்னம்பிக்கையில்தான்,மனிதனின் உடல் பற்றிய அபிமானம் தான் அவனது மிகபெரும் பலம் அல்லது சொத்து, அதை தோற்கடித்து விட்டால் பின்பு இழுத்த இழுப்புக்கெல்லாம் சுலபமாக வருவான் ,சமயவாதிகள் மிகவும் வெற்றி கரமாக கையாண்டு கொண்டு இருந்த இந்த Mass Controlling System அதாவது மனிதர்களை கட்டுபாட்டுக்குள் வைத்திருக்கும் உத்தியானது அரசர்களுக்கு மிகவும் வசதியாக போய்விட்டது ,அதனால்தான் சேர சோழ பாண்டியர்கள் போன்று அநேகமான நாடுகளின் அரசர்கள் பாய்ந்து பாய்ந்து கோவில்களையும் இதர வழிபாட்டு ஸ்தலங்களையும் கட்டுவதில் முன் நின்றார்கள் ,அரச வம்சத்தினரின் ராஜ்ஜியங்களை நிலை நிறுத்தி பிடிப்பதற்கு சமயவாதிகளே தோளோடு தோள் நின்று மக்களை அடக்கி ஆண்டனர் ,>இந்த மனித உடலை கேவல படுத்தும் முட்டாள் தனத்தை அந்த கால அரசர்கள் மற்றும் சமய தீவிர வாதிகளை விட தற்போதைய அரசியல் பயங்கர வாதிகள் மிகவும் மோசமாக பின்பற்றுகிறார்கள்.உடல்தான் வீடு , அந்த வீட்டையே கேவலபடுத்தி அல்லது அதன் இருப்பை தரம் தாழ்த்தி கூறப்படும் கோட்பாடுகள் எல்லாமே வெறும் பித்தலாட்டம்தான்,இந்த கோட்பாடுகளை பலரும் அர்த்தம் புரியாமேலேயே பிரசங்கம் புரிகின்றனர், அவர்களுக்கு பிரசங்கம் புரிவதில் இருக்கும் பேராசை உண்மையை கண்டறிவதில் இல்லை,இந்த வாழ்க்கை மிகவும் அற்புதமானது மிகவும் தெய்வீகமானது , உடல் இல்லாமல் வாழ்க்கை இல்லை ,ஆத்மாவின் நீண்ட நெடிய பயணத்தில் இந்த உடலின் அற்புதங்களை அறியும் வாய்ப்பு நமக்கு கிடைத்திருப்பது மிகவும் சொற்ப காலத்திற்குத்தான் ,இந்த உடலின் இரகசியங்களை நாம் இன்னும் சரியாக தெரிந்து கொள்ளவே இல்லை,இந்த உடல் உண்மையில் அழியாத வரம் பெற்றது என்று ஒரு அற்புதமான கருத்து தற்போது விஞ்ஞான ரீதியாக உருவாக்கி கொண்டு இருக்கிறது,இதைதான் வடலூர் வள்ளலார் ராமலிங்க சுவாமிகளும் மரணமில்லா பெருவாழ்வு என்று கூறினாரோ என்றும் எண்ண தோன்றுகிறது,எத்தனையோ சித்தர்கள் அல்லது பல நாட்டு ஞானிகள் பலரும் பல நூற்றாண்டுகள் வாழ்ந்திருப்பதாக பல வரலாற்று கருத்துக்கள் உண்டு,பல நூற்றண்டுகளுக்கு முன்பாக இயேசு கிறிஸ்து சுவாசித்த காற்றையோ அல்லது புத்த பகவான் சுவாசித்த காற்றையோ நாம் சுவாசித்திருக்க கூடும் ,இன்னும் என்னவோ அற்புதங்கள் நிறைந்த இந்த உலகமும் அதில் உடலோடு வந்திருக்கும் நாமும் உண்மையிலேயே எவ்வளவு உன்னதமானவர்கள் ?உன்னதத்தை பழிக்கலாமா ?>உடலை போற்றுங்கள் கடவுளை விட உடலே சிறந்தது, ஏனெனில் நீங்கள் நம்பும் கடவுள் என்பதை உங்களுக்கு அறிய அல்லது வணங்க வாய்ப்பு அளித்திருப்பதுவும் உங்கள் உடலே என்பதை ஞாபகத்தில் இருத்தி கொள்ளுங்கள் .

நீ சாமி கும்பிட்டாலும் கும்பிடாவிட்டாலும் அடையப்போகும் இடம் ஒன்றுதான்

நான் உங்களை தொந்தரவு செய்வதற்கு நீங்கள் என்னை மன்னிக்கவேண்டும் ஆனால் உண்மையில் மகிழ்ச்சி அடையவேண்டும்
எதையும் புதிதாக அறிவதிலும் பார்க்க ஏற்கனவே நாம் அறிந்தவற்றை மறப்பது அவ்வளவு எளிதல்ல .
ஒரு குழந்தையின் விளையாடு பொருளை பறித்தால்அதற்கு கோபம் வருவது இயல்புதான் .
நீங்கள் சந்தோஷமாக கொண்டாடும் கோட்பாடுகள் நம்பிக்கைகளை எல்லாம் விட்டு சற்று மாற்றி யோசிப்பது அவ்வளவு எளிதல்ல ,
ஏற்கனவே நாம் அறிந்த ஒன்று தற்போது தவறு என்று நமக்கு தெரிய வருவதற்கு மிகுந்த நுட்பமான அறிவு வேண்டும் ,
அதை விட தைரியம் வேண்டும்,
நாம் சரி என்று பரிபூர்ணமாக பல யுகங்களாக நம்பிய சமாசாரங்களை திடீரென்று அவை எல்லாம் சுத்த ஹம்பக் என்று ஏற்று கொள்ள எல்லை இல்லாத துணிவு வேண்டும்,
முதலில் பயம் எங்கள் கண்களை திறக்க எம்மை அனுமதிக்காது ,
அப்படி விழிப்புணர்வு பெற்றாலும் அனுபவித்த இருட்டு சுகம் ஒரு போதையாக எம்மை தலை தூக்க விடாது,
இனிமேல் தூங்கவே முடியாது தொந்தரவு தாங்கவே முடியாது என்ற நிலை வருபோது சிலவேளை நாம் எமது தூக்கத்தை விட்டு துயிலேழுவோம் . இங்கே நான் தூக்கம் என்று குறிப்பிடுவது சிந்தனை தூக்கத்தைத்தான் , ஆழமாக பதிக்கப்பட்ட நம்பிக்கைகள் எமது ஆதார மெத்தைகளாக சொகுசான நித்திரையை ஆயிரக்கணக்கான ஆண்டுகளாக தந்து விட்டிருக்கிறது,
அந்த மெத்தையின் சுகத்தை நாம் அவ்வளவு இலகுவில் தியாகம் செய்துவிட முடியாது, பழக்க தோஷம் தலை தூக்க விடாது,
கண் முன்னாள் தெரியும் உலகத்தை விட கண்ணுக்கு தெரியாத விண்ணுலகம் சொர்க்க லோகம் ஆத்மா அநுபூதி என்பதாக பலவிதமான கோட்பாடுகள் பலவற்றையும் நம்புகிறோம் ,
இவை எல்லாம் உண்மையில் இருப்பதாகவே வைத்துகொள்வோம் ,
இவை எல்லாவற்றையும் விட இந்த மனித வாழ்வு அற்புதமானது,
கண்முன்னே பரந்து விரிந்து சதா ஜீவனுடன் காட்சி தரும் இந்த அற்புத வாழ்வை விட இந்த அற்புத உலகத்தை விட வேறு ஒன்றும் தற்போது தேவை இல்லை ,

ஏராளமான சமயம் சார்ந்த கனவுலோகம் அல்லது உறுதிமொழிகள் எல்லாம் உண்மையில் எதுவித பிரயோசனமும் இல்லாதவை , இதை உங்களால் ஏற்றுகொள்ளவே முடியாது,
அவ்வளவு தூரம் அவற்றை எல்லாம் நம்பி விட்டிருக்கிறீர்கள் .
அவை எல்லாம் உண்மையாகவே இருந்தால் உங்களை நிச்சயம் ஒரு நாள் வந்து அடையத்தான் போகிறது,
ஆனால் அது இன்றைய சமாசாரம் அல்ல..
இன்றைய உலகமும் இன்றைய வாழ்வும் மட்டுமே இன்றைய நாடகம் ,
இந்த நாடகத்தில் உனது வேஷம் அல்லது உனது பாத்திரம் எவ்வளவு முக்கியமானது என்பதில் மட்டுமே உனது வெற்றி அல்லது பிறவி பயன் அடங்கி உள்ளது,
அது வரும்போது அது வரட்டும்,
இப்போ இது இருக்கிறது ,இதை கவனி, மீதி எல்லாம் அந்த அந்த நேரத்தில் பார்த்து கொள்ளலாம் .
நீ சிருஷ்டி கர்த்தா என்பதை ஒப்புகொள்ளாத கோட்பாடுகள் அல்லது சமய நம்பிக்கைகள் எல்லாம் உன்னை வெறும் டம்மி பீசாக மாற்றி விட்டிருக்கிறது,
நீ டம்மி பீசே அல்ல ,
உன்னை சுற்றி உள்ள உலகத்தை நீதான் கவனிக்க வேண்டும்,
ஏனெனில் நீதான் உனக்கு இன்றைய கடவுள்.
இது உனக்கு தெரியவில்லை ,
இதுதான் உனது பிரச்சனை ,சமயங்களும் சரி ஆத்மீக கோட்பாடுகளும் சரி பெரும்பாலும் உன்னை ஒரு டம்மி பீசாகவே மாற்றிவிட்டிருக்கிறது,
இந்த கருத்து உன்னை நிச்சயம் தொந்தரவு செய்யும் ஒரு கருத்தாகவே இருக்கும் ,
தூக்கத்தில் இருக்கும் உன்னை தட்டி எழுப்புபவரை உனக்கு பிடிக்காதுதான்,
மனித குல வரலாற்றில் மனிதர்களை தூங்க செய்த பெரியவர்கள் தான் அதிகம் தோன்றி இருக்கிறார்கள்.
மிகவும் அருமையாக தான் தொந்தரவு செய்பவர்கள் தோன்றி இருக்கிறார்கள்.
ஒரு சோக்கிரட்டீஸ் ஒரு டார்வின் ஒரு ஐசக் நியுட்டன் இரு கிருஷ்ணமூர்த்தி ஒரு ஓஷோ இப்படி விரல் விட்டு எண்ணி விடலாம் ,
மேலும் பலரை இந்த லிஸ்டில் சேர்க்கலாம் என்றால் அவர்களின் போதனைகளை எல்லாம் தப்பு தப்பாக மாற்றி மாற்றி எழுதி வைத்துள்ளார்கள் .அவை எவை என்று விலாவாரியாக எழுத எனக்கு விருப்பம் இல்லை,
ஆத்மீக தேடல் என்ற புரியாத பாடத்தில் தேடி தேடி வாழ்க்கை முழுதும் படித்து முடிந்த பின் பார்த்தால் ஒன்றுமே இல்லை .
ஓடி தேடி கடைசியில் பார்த்தால் தேடுவதற்கு ஒன்றுமே இல்லை ,
இல்லாத ஒன்றுதான் ஆனால் ஒரு பொல்லாப்பும் இல்லை ,
நிச்சயமாக நீ சாமி கும்பிட்டாலும் கும்பிடாவிட்டாலும் அடையப்போகும் இடம் ஒன்றுதான் ,
அது உனது நாய்க்குட்டியும் பூனை குட்டியும் நீயும் நானும் கடவுளாக அல்லது இந்த பிரபஞ்சமாக இருப்பதாக அறியும் இடம்தான்,
அது வருபோது பார்த்து கொள்ளலாம் ,
இப்போ இந்த உலகத்தை பார் ,
இது தான் இன்றைய கடவுள் ,

Thursday, April 24, 2014

ஜே.கிருஷ்ணமூர்த்தியின் தமிழ் பேச்சு ! இதுவே அவரது இறுதி தமிழ் பேச்சு

No comments:

Post a Comment